Afrikaans: Volgens Robert Layng, 'n buitelandse diensbeampte by USAID wat 'n leidende rol in USAID se ondersteuning aan die WNF en Mosambiekse regering gespeel het, sal die werwing van privaat beleggings in die toerismesektor die deurslag gee in die skepping van ekonomiese geleenthede deur die Njassameerreservaat. “Die einddoel is om finansiële volhoubaarheid van die reservaat te verseker. Doelgerigte groei in die toerismesektor is een van die beste vooruitsigte om reservaatinkomste te genereer. Omdat hierdie sektor ook werk op die Njassameer skep, beklemtoon dit die ekonomiese waarde van die bewaring daarvan, terwyl dit ook inkomste deur volhoubare hulpbronverbruik verteenwoordig”, het mnr. Layng gesê. USAID het in vennootskap met die Mosambiekse regering, die Wêreldnatuurlewefonds en die Coca-Cola-maatskappy gewerk om die spesies en natuurlike habitatte van hierdie mees biodiverse varswatermeer ter wêreld te beskerm. Die bewaring van die Njassameer skep belangrike ekonomiese geleenthede vir plaaslike visvang- en toerismebedrywe. (Foto deur Christian Smith van USAID)